توفى الى رحمه الله تعالى السيد عادى

توفى إلى رحمة الله السيد عادى

ليه لما اروح مكان هادى والاقى
ولد بنت ماسكين فى ايد بعضه وعمالين بيحبوا فى بعض واقول عااادى مع انه مش عااادى
!!

ليه لما اروح عند حد والاقيه مشغل التليفزيون على فيلم ساقط ولا كليب
ماجن ولما اجى اقوله مينفعش كده يقول عااادى مع انه مش عااادى !!

ليه لما
الاقى بنت منتقبة ولا محجبة وقاعدة على كافيه وبتشرب شيشة وابصلها واقول عااادى وهو
مش عااادى ابدااااا !!!

ليه لما الاقى اب وام ماشين فى الشارع وعماهم بناتهم
لابسين لبس فاضح يكسف واقووول يااااه عادى جدا وهو مش عاادى خالص !!

ليه لما
الاقى بنت ماشية فى الشارع بعد 12 بالليل لوحدها ولو سالتها مروحتش ليه تقول عااادى
لسه بدرى وهو مش عااادى ابدا !!!

ليه لو اتعزمت فى فرح ولقيت العروسة بعد ما
كانت محجبة قلعت حجابها وتقولها ليها تقولك عادى ما هى ليلة العمر وهو مش عادى
!!

ليه لما تروح الفرح وتلاقى البنات كاسيات عاريات وحطين مكياج ومغرقين
نفسهم برفان وتسأل ليه يقولوا عادى فرح بقى وهو مش عااادى !!

ليه لما تركب
وسيلة مواصلات وتلاقى الشاب قاعد والعجوز واقف والشاب ولا اكنه شايف حاجة عااادى
وهو مش عاادى ابدا فين النخوة والرجولة !!

ليه لما الاقى اب ولا ام هيموتوا
من الحسرة لان اولادهم رموهم فى دار مسنين واقول عااادى اصل ولادهم مشغولين وده مش
عاادى ابدا

وليه وليه وليه
لو هفضل اتكلم من هنا لبكرة مش هخلص من
كلمة
عــــــــــــــــادى
يا ترى يا جماعة هو فعلا عاااادى !! عادى التبرج
عادى السفور عادى الغيبة والنميمة والكذب عااادى عاادى سماع الاغانى عاادى اللبس
الضيق عاادى الحب داخل الجامعات وفى الطرقات وخارجها
!!

عــــــــــــــــــــــــــــــــــــــــــــــادى
يا
نااااااااااس

طيب اززاى عااادى هو ده اللى امرنا به الله عزوجل ولا اللى
علمهولنا النبى محمد صلى الله عليه وسلم

هو ده اللى اتربينا عليه هو ده
الاسلام والدين !!

طيب هو ليه اللى مش عادى بقى عاادى واللى عااادى بقى مش
عادى

يعنى الملتحى الناس بتبصلهم بغرابة والشاب الفانكى الروش الناس شايفه
انه عادى

يعنى المنتقبة الملتزمة بقت متخلفة ورجعية والبنت المتبرجة بقى ده
الطبيعى

يعنى اللى بيتفرج على قنوات دينية بقى متشدد وناشف واللى بيتفرج على
مسلسلات وافلام بقى روش واون لاين

يعنى اللى ماشى مشغل الاغانى بصوت يخرم
الودان هو ده اللى عايش حياته ناما اللى مشغل قران فى عربيته بيزعج اللى حواليه
ومبيعملش حسابهم

يعنى ....................

لا حول ولا قوة الا
بالله

المفروض يعنى هو ده اللى يحصل
المفروض ده اللى بقى عااادى
ازاى
يعنى
الدنيا بقت ماشية بالمشقلب
الصح بقى غلط والغلط بقى
صح
!!!!!!!!!!!
ياريت نصحح المفاهيم ونظبط علاقتنا ونتعلم ديننا ونطبق سنة
حبيبنا ونمشى على الصراط المستقيم علشان نوصل لجنتنا

==

مش هقلع
طرحتي يوم فرحي عشان ليلة العمر... لا مش عادي
مش هرقص في فرح بنت خالي عشان صلة
الرحم... لا مش عادي
مش هحكي لزميلي في الشغل مشاكلي العائلية.. لا مش
عادي
مش هروح الشاطيء والبس مايووه.. لا مش عادي
وكفايا بقى كلمة عادي..
لاننا متخلقناش عادي
ولا هنقف نقول يارب... اصله كان عادي
!!

عادي كل
البنات مصاحبين.. وانا يلا اصاحب.. لا مش عادي
عادي كلهم مسافرين...وانا يلا
اسافر.. لا مش عادي
عادي تقصير الجوب على البووت.. عشان ابقى على الموضة.. لا مش
عادي
عادي اركب عربية جوز اختي.. مهو زي اخويا... لا مش عادي
وعادي بن عمي
يبعت لي رسايل تهريج.. اصله زي اخويا.. لا مش عادي
وعادي اكدب على أهلي ..مهي
كدبة بيضا... لا مش عادي
عادي اروح شغلي متاخر وازور امضتي..مهو كله عادي.. لا
مش عادي
عادي افرج البنات صورتى انا وخطيبى اوزوجى واحنا مع بعض مهم بنات زى ...
لا مش عادى
عادى اكون منتقبة واقف انشر الغسيل من غير نقاب او من غير جونتى مانا
فى بيتى ... لا مش عادى
عادى لما اقعد اتكلم انا وخطيبى فى الموبايل طول الليل
مهو هيبقى زوجى ... لامش عادى

عادي نحط صورنا الشخصية على الفيس
بووك
عادي محنا لابسين الحجاب -لا مش عادي
عادي نتعرف على بعض ونشات مع بعض
.. مش هنقول حاجه عيب.. لا مش عادي
عادي اكتب رقم تليفوني وبياناتي الشخصية..
محدش هيعمل لي حاجه.. لا مش عادي

وكفايا عيشه عادي
لاننا مش عايزين ينكتب
على قبرنا
هنا كان يعيش السيد عــادي

اختي روان
اسمحيلي انه احييكي على هالموضوع الحلوو
بس انا شايف انك عم تحرقي بدمك عالفاضي
هالموضوع كلنا بنعرفو وعاملين حالنا متضايقين
واحنا بنعملو
ان الله لا يغير بقوم حتى يغيرو ما بانفسهم
كله من ضعف الايمان وابتعادنا عن الدين

ليه لما نشوف موضوع ممتاز ذى ده نقول عادى

وهو مش عادى

بجد موضوع ممتاااااااااااااااااااااااز جدا

أيوة كده
عايزين موضوعات متميزة ذيه كتير يا روان

ودمتى بكل ود

اشكرك اخى عمار على ردك بالموضوع واكيد ابتعادنا عن الدين هو سبب فى الكثير من الخطا فى حياتنا

اشكرك ياطالب علم على ردك الجميل الذى انار صفحتى ويارب دايما كلنا الى الامام

» قلبى توفى والبقيه بحياتك
» تريد رضا الله عز وجل ورضا الرسول صلى الله عليه وسلم تفضل
» سبحان الله ! صلوات رسوله مفيدة باذن الله
» لو صريح تعالى جاوب على الاسئله دى؟
» *الله معك يا غزه*