زوجي الحبيب انا عاوزة ادخل الجنة حملة
لنشر الحب والسعادة في بيوت المسلمين السلام عليكم ورحمة الله وبركاته يا جميع الفتوكات القمرات
الموضوع باختصار اننا كلنا عاوزين ندخل الجنة صح
؟الرسول صلى الله عليه وسلم عرفنا ان دخول المرأة
الجنة بأنها تؤدي فرائض ربها وتطيع زوجها ان شاء
الله الفرائض ربنا سبحانه وتعالي يعيننا عليها وسهلة ان شاء الله لكن التانية
بقى زوجك جنتك ونارك أه هنا بقى
الجد
إما ان ربنا سبحانه وتعالى يمن
على المرأة بزوج طيب ومحترم وابن ناس وتبقى المهمة سهلة واكيد ان شاء الله تكون
زوجة صالحة لانه هايعينها على ده وإما العكس يكون
الزوج للاسف ابتلاء للزوجة ويحتاج منها جهاااااااااااد طويل عشان تكون زوجة صالحة
وتدخل الجنة وطبعا في حالات كتير كدة الهدف بقى من الموضوع ده اننا نحاول نقدم حلول واقتراحات عملية
لكل زوجة بتحاول تكون زوجة صالحة ونساعد بعض كلنا اننا ندخل
الجنة مع ملاحظة مهمة اننا ما يكونش
كل هدفنا بس ازاي نسعد هذا الرجل ونتفاني في ارضائه حتى على حساب المرأة او كرامتها
اوحتى قدراتها على طاعته ودي شوفتها من بعض الاخوات في مواضيعهم الخاصة بالاهتمام
بالزوج لا لازم نراعي الزوجة واحتياجاتها واكيد في حدود جميلة لده عملها لنا ديننا
العظيم والله نفسي
تكون حملة لنشر السعادة والحب والتوافق في بيوت كل أزواج المسلمين عاوزين اقتراحات عملية
تجارب نفيد بعض بها
نصايح من حبايب
قلوبنا صاحبات الخبرة
تحفيز وتشجيع مستمر لبعضنا
واكيد ثواب ده
عظييييييييييييم عند ربنا سبحانه وكله يهون عشان الجنة
طب لو اسعدنا ازواجنا هانستفيد ايه
- طبعا اهم حاجة انك هاتحسي بالسعادة الحقيقية لان نفسيتك
دايما هاتكون مرتاحة
- هتنامي وانتي مطمنة انك ان شاء الله من اهل الجنة بس لازم
الفرايض زي نص الحديث
- أولادك هايطلعوا اصحاء نفسيا وما عندهمش عقد بالعكس
هايعملو ده في بيوتهم وتكون صدقة جارية ليكي
- البركة وزيادة الرزق لانك هاتبعدي الشيطان عن بيتك
ها مين أول حد هيسبق ع
الجنة وتبدأ بأول مشاركة
