منتديات قصر الحب


 
الرئيسيةالبوابةمكتبة الصورس .و .جبحـثالتسجيلدخول

شاطر | 
 

 مات قبل مايقولها بحبك...والتانى خدعها بنظراته

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
روان
مشرفة عالم حواء
مشرفة عالم حواء
avatar

انثى
عدد الرسائل : 3614
العمر : 31
المزاج : الحب فى الله
عارضة الطاقة :
50 / 10050 / 100

تاريخ التسجيل : 11/04/2009

مُساهمةموضوع: مات قبل مايقولها بحبك...والتانى خدعها بنظراته   السبت أكتوبر 24, 2009 11:25 pm

مات قبل مايقولها
بحبك.............والتاني خدعها بنظراته

مات قبل مايقولها بحبك ........ والتاني
خدعها بنظراته

كان في يوم من الايام واحدة بتحب واحد جارها بس عمرها
ماكلمته
وهو كمان كان في حاجة من ناحيته ليها
كان كل مايشوفها يبصلها
ويضحك
وفضل الحال على كده لمدة سنة و3شهور
وهي كانت اي حاجه تحصل تجري تقولها
لصحابها
وصحابها كانوا بيستفزوها كتير اوي
مرة واحدة تقولها ده (....) بصلي
النهارده وضحك
وده ماكنش بيحصل اصلا
والتانية تقولها ده (....) هيخطب
قريب
عشان هو كان صاحب اخوها
وفضل الحال على كدة لحد ما في يوم من الايام

كانت هي في المدرسة كانت ساعتها في اول ثانوي
راحوا صحابها لعند بابها وقالو
له
دا بنتك بتمشي مع واحد وبتخرج معه بعد المدرسة
وهي والله العظيم عمرها
ماكلمته ولا قالتله ازيك
وطبعا لما بابها عرف ضربها
بس هي عرفته ان دي مش
اخلاقها
وحلفت انها لازم تنتقم من صحابها
بس مامتها هداتها وقالت لها انسي
الموضوع وركزي في المذاكرة
وان صحابك قالوا كده بس عشان هم بيغيروا منك
لان
البنت دي كانت شاطرة اوي في مذاكرتها
والبنت قررت انها لازم تنسى حبيبها وتركز
في الدراسة
وهو مايعرفش قررها لانها عمرها ماكلمته
وكان كل مايشوفها يبصلها
ويضحك وهي كانت بتودي وشها الناحية التانيه
والبنت طلعت سنة تانية
ثانوي
وبالتحديد في يوم التلات الموافق 2006/1/3
كانت تعتبر اخر ذكرى
بينهم
كانت الساعة حوالي 2.5عصرا
كانت البنت رايحه درس وكان هو واقف مع
صحابه
بصلها جامد اوي وضحك وهي كمان ضحكتله
ومشت في طريقها
وفي يوم الاربع
الموافق 2006/1/4
الساعة كانت حوالي 12الظهر كانت البنت واقفه في الشباك
وشفته
بس هو ماشفهاش
وفي يوم الاربع بالليل الساعة كانت حوالي
1.5بالليل
سمعت حركة مش طبيعية في الشارع
وكان صحابه بيرنو جرس البيت على
اهله
وقالولهم ان (....) عمل حادثه وهو في المستشفى
وفضلت البنت تعيط طول
الليل لحد الفجر
ومن كتر العياط نامت ولما صحيت الصبح
طلعت على السطوح عشان
كانت لسه بتعيط ومنهاره
وماكنتش عايزه حد يشوفها من اهلها
وقررت انها لازم
تعمل اي حاجه وتروح المستشفى
ولما نزلت بعد حوالي ساعتين من على السطوح
كانت
بتدعي لحبيبها ربنا يقومه بالسلامه
كانت المفاجأة صعبة اوي
اختها قالتلها ده
(....) جارنا مات امبارح الفجر
البنت دخلت اوضتها وانهارت لما سمعت الخبر
مات
من الفجر وانا ماعرفش
واختها قالتلها انهم هيصلوا عليه بعد صلاة الظهر
ولبست
البنت ومامتها وراحوا عشان يصلوا الجنازة عليه
بس وهم رايحيين قابلهم موكب
العزاء
وحبيبها اللي كانت بتشوف بيجري وبيروح وبيجي قدامها في النعش
ميت
احساس صعب اوووي
البنت كانت نفسها تصرخ وتاخده في حضنها
بس ماحدش يعرف
حاجه
وكانت بتحاول تداري شعورها وحزنها عليه
لان كان في ناس كتير اوي ملاحظين
حزنها الشديد اوي على جاره
ومات حبيبها وادفن في يوم الخميس 2006/1/5
قبل عيد
الاضحى ب5ايام
كان رايح هو وصحابه يشتروا هدوم العيد
وصحابه كلهم نجيوا ماعدا
هو
وده طبعا قضاء الله وقدره
ادعوله بالرحمة والمغفرة
ومات حبيبها قبل
مايقولها انه بيحبها
وفضلت البنت حزينه عليه كتير اوي
لحد ما في يوم من
الايام كانت البنت ساعتها في اول جامعه
ظهر واحد تاني في حياتها كان جاره
برده
وكأنها عامله معاهدة مع الجيران
وكان بيراقبها في كل حاجه
وكل
مايشوفها يبصلها ويضحك
والبنت حولت تتجاهله لانها لسه بتحب حبيبها
الاولاني
بس فكرت انها لازم تعيش حياتها وتنسى اللي فات
وكان جاره الجديد ده
بيحاول يدفعلها في المكروباص
ويقولها سلاموا عليكوا في الشارع
برده من غير
مايقولها اي حاجه
وهي يوم من الايام قررت انها لازم تعرف ايه حقيقة شعوره
ناحيتها
فبعتتله هدايه عبارة عن برفن وجواها ورقة
مكتوب فيها لو سمحت انا
عايزة اعرف انا موجوده في حياتك ولالا لو الاجابه اه ابعتلي الرد في رساله على
الرقم ده
بعتلها رساله قالها انا عايز اعرف مين اللي بعتلي الهدايه الحلوة
دي
وحاول يتصل بيها كتير
بس هي قررت انها لازم تكسر حاجز الصمت
واتصلت هي
بيه قالها مين معايا قالتله(...) قالها مين لا لسه ماعرفكيش
قالتله انا جارتك
..... كذا وكذا
قالها ماتوقعتش انه انتي وسكت
قالتله وهي بتموت ممكن اعرف
اجابة السؤال ايه سكت ومردش عليها
اتأسفت وقفلت المكالمة وكانت بتموت من الاحراج
ومن الموقف
اول مرة تكلم واحد وتبقى في الموقف ده
وبعد حوالي شهر من المكالمه
عرفت انه خطب
وبعد حوالي سنة ونص اتجوز
كان فرحه في العيد اللي فات

والبنت حاولت تنسى كتير اوي
هي عندها دلوقتي 19 سنه
بس شايفه الدنيا
سوداه وانها انسانه ضايعه وفاشله
ونفسها تموت عشان تروح عند حبيبها الاولاني
اللي عمره ماكلمها ولا قالها بحبك
وكل ماتفكر تبدأ من جديد تنهار
وتحس ان
عمرها ماهتعرف تحب حد تاني او انها تلاقي حد يحبها
ساعدوها وانصحوها تعمل
ايه
تعيش على ذكرى حبيبها اللي عمره ماكلمها ولا ده ماكنش حب اصلا من
اساسه
ولاتندم على الشخص التاني اللي احرجها وصدمها
ولاتعمل ايه
تعيش على
الماضي ولا ترمي الماضي ورا ضهرها
وتبدأ من جديد وكأنها لاول مرة بتعيش
مع
انه مش سهل ابدا ان الواحد يبدأمن جديد
ويارب ماحد يعيش اللي هي عاشته
ابدا
لو انتوا مكانها هتعملوا ايه
معلش الموضوع طويل اوي
وارهقني
جامد
بس للاسف هي دي الحقيقة

...........

_________________
التوقيع/
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مات قبل مايقولها بحبك...والتانى خدعها بنظراته
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قصر الحب :: الأقسام الأدبية :: القصص و الروايات-
انتقل الى: