ابن الاسلام
مشرف القسم الاسلامي
عدد الرسائل : 2380
العمر : 39
عارضة الطاقة :
تاريخ التسجيل : 30/12/2008
 | | موضوع: قصص بلاوي جمعاوي!!!333333 الإثنين يناير 05, 2009 11:55 pm | |
| هدخل فى الموضوع على طول ...انا داخل فى الموضوع اهُهُ ...دخلت وقفلت الباب ورايا لكن لاقيت ناس كتير اوى جوة فى الموضوع ده .الموضوع كان مكتوب عليه من برة "الحب على سلالم الجامعة" لكن الرقابة اعترضت على العنوان عشان ضد الذوق و الأخلاق المصرية الأصيلة .و اقترحت الرقابة عنوان "الحب تحت سلالم الجامعة".وده برضو عشان مافيهوش اى ايحاءات خارجة او مش اصيلة .
(غالبا) اى شاب لسة داخل أولى جامعة بيكون همه الاول والاخير انه يكلم بنات او يصاحب أو أو .المهم بسرعة عشان يلحق الفرز الأول بتاع الدفعة (الفرز ده من بره يعنى بالشكل بس طبعا ولا عزاء للمحترمات ) وعلى الوينج التاني البنت بيبقى نفسها (تعلق)-آسف على اللفظ السابق- واحد متريش او نص نص حتى أو ممكن نقول (تصطاده)-آسف برضو
بس تقريبا اللفظ الأول كان ارحم- و كله هيتشال فى الرقابة - المهم ان الموضوع شغال من سنة لسنة ومن جيل لجيل من زمان اوى .
مش عارف لية انا حاسس ان رمسيس التانى اتعرف على نفرتارى فى محاضرة تحنيط. و يمكن ساعتها قالّها :
- تصدقى يا نفرتارى انى اول مرة أعرف حد وأرتاحله بالسرعة دى .وأول مرة يكون لى صاحب مش عايز منى مصلحة و بجد بيحبنى.
- نفرتارى وهى بتبص فى عنيه بحرارة:رمسيس انت فعلا فرعون غير باقى الفراعنة اللى فى الدفعة .. دول كلهم فراعنة سيس انما انت رم سيس (ملحوظة : رم بالهيلوغريفى حرف نفى لما بعده أما سيس فلم يتغير معناها حتى الآن ).
- رمسيس وهو هيمان : نفرتارى ممكن تبقى تقابلينى بكرة فى وادى الملوك بعد الكلية .انا سامع ان فى عرض لمسرحية " الديناصور صديقى"
- نفرتارى:بجد ده أنا بحبها أوى أكيد هاجى .
- رمسيس: يا ريت نبقى نشايّت مع بعض بعد مغيب الشمس عن المسلة القديمة.
- نفرتارى : لو النت مش فاصل هتلاقينى اون لاين.
يعنى سواء كانت دى الطريقة أو غيرها أو كان ده الحوار أو غيره لان ممكن تكون دى اشاعة طلعت على نفرتارى من واحد من اصحابها المنفسنين .لكن الأهم ان ده بيحصل كل يوم وزى ما قاللى واحد صاحبى نقلا عن دكتور مخضرم فى الكلية ان الطلبة فى الجامعة
3 انواع :-
النوع الاول : عارف اللى علية ومحترم وبيذاكر (الدحييح)
النوع التانى : رومانسى وحبوب وكل يوم مع "حتة " فى "حتة " .( اللى حبوا على السلالم)
اما النوع التالت : فهو اللى بيتفرج على النوع التانى ومش عارف يبقى زى الاولاني ( اللى رقصوا على السلالم)
اللى انا عايز اعرفه .هما الناس دول بيجيبوا كلام منين ؟ انا اعرف اتنين -couple - كتبتها انجليزى عشان الرقابة ماتفهمهاش - الاتنين دول بدأوا كلام
الساعة 11 الصبح و خلصوا الساعة 4. واحد هيقولى عادى ايه يعنى خمس ساعات اقوله عادى لو كانت الحسبة كده
(11-4)* 1
انما لما تبقى
(11-4) * 5 * 4 * 8 * 4 = ؟؟؟؟؟؟؟؟؟؟؟
(عدد الساعات)*الايام*الاسابيع*الشهور*سنين الجامعة= أتارية كان وقت ضايع
و ماتجوزوش فى الاخر يبقى اكيد مش عادى .صحيح ان رمسيس و نفرتارى اتجوزا لكن ايماميها ماكنش فى بطالة لأن اللى مش لاقى شغل كان بيبنيله هرم او يعمل جمعية على مسلة او حتى يكتب اسمه على الجدران .أو ممكن يسافر الحبشة يستورد برفانات ماركة الخنفري الشهيرة . | |
|
wsem
المدير التقني
عدد الرسائل : 968
عارضة الطاقة :
تاريخ التسجيل : 03/11/2008
| | موضوع: رد: قصص بلاوي جمعاوي!!!333333 الجمعة يناير 09, 2009 5:33 am | |
| مشكوور على الموضوع ابن الاسلام | |
|
ابن الاسلام
مشرف القسم الاسلامي
عدد الرسائل : 2380
العمر : 39
عارضة الطاقة :
تاريخ التسجيل : 30/12/2008
| | موضوع: رد: قصص بلاوي جمعاوي!!!333333 الأربعاء أبريل 22, 2009 4:06 am | |
| شكرا ليك اخي عالمرور الطيب | |
|
روان
مشرفة عالم حواء
عدد الرسائل : 3614
العمر : 37
المزاج : الحب فى الله
عارضة الطاقة :
تاريخ التسجيل : 11/04/2009
| | موضوع: رد: قصص بلاوي جمعاوي!!!333333 الثلاثاء أبريل 28, 2009 5:56 pm | |
| الموضوع جميل جدا
شكرا اخى ابن الاسلام | |
|
ابن الاسلام
مشرف القسم الاسلامي
عدد الرسائل : 2380
العمر : 39
عارضة الطاقة :
تاريخ التسجيل : 30/12/2008
| | موضوع: رد: قصص بلاوي جمعاوي!!!333333 الجمعة مايو 01, 2009 4:54 pm | |
| اشكرك اختي روان عالمرور الطيب | |
|
