الحلقه ( 1 ) مواطن غلبان

السلام عليكم

اسمحولى ان اقوم بكتابة بعض الحوارات الضاحكة وهى تعتمد على خيال القارى فهى سلسلة لقاءات بين مواطن غلبان وزعيم غفلان وسرد الحوار الذى يدور بينهما بشكل ساخر ( الضحك المبكى ) اتمنى انها تنول اعجابكم وشكرا

مواطن غلبان:فقرتونا يااتباع الشيطان

الزعيم الغفلان:يعنى هو فى حد بينام جعان ؟

المواطن الغلبان:بس نلاقى مكان واحنا ننام دا انتم سرقتم حتى الخيام

الزعيم الغفلان:ماهو انا بحل مشكلة الاسكان

المواطن الغلبان:ياعم كفاية ضحك علينا ده كان زمان

الزعيم الغفلان:يعنى هو عدد السكان زى ما كان زمان

المواطن الغلبان:يعنى مفيش حل للإسكان طب هى الصين عدد سكانها كام؟؟

الزعيم الغفلان:كثير بس هما شعب مش جبان

المواطن الغلبان:فى دى عندك حق يا غفلان

الزعيم الغفلان :واخبار ابوك ايه ياغلبان

المواطن الغلبان:هو مات من زمان ده كان مقدم على وظيفة كاتب حسابات

وكان نفسه يشتغل بجوز جنهات

معرفش ليه مستعجل ده لسه يدوب مقدم عليها من ايام السادات

الزعيم الغفلان:طب اسكت ياغلبان الحيطان لها ودان

المواطن الغلبان:هو انتم جندتم حتى الحيطان

مسكين الى يقول احنا عايشين بامان
مسكين الى يقول احنا عايشين بامان
مسكين الى يقول احنا عايشين بامان

شكرا كتابة وتأليف
اخوكم
مستشار الشعر

الظاهر مافيش حد عجباه
ولا عايز يقول بحقك كلمه حلوه
قولت اجبر بخاطرك واقول انا
حلوه ونوع جديد من الكتابه

ههههههههههههههههههههههههههه
لفته جميله منك لتنبيهنا لكتابتك
مع انه انت لست بحاجه لذلك
ما شاء الله كل مواضيعك التي كتبتها
محيره كل واحده اجمل من الاخرى
دام نبض قلمك وبانتظار المزيد
والجديد تقبل مروري

الحلقه ( 1 ) مواطن غلبان Get-2-2008-do7a_com_b6fh4kkp

الحلقه ( 1 ) مواطن غلبان Get-2-2008-do7a_com_b6fh4kkp

مشكورة
اختى نور العيون
الله يجبر بخاطرك
ههههههههههههه
زى ما جبرتى بخاطر كتاباتى

اخوكى
مستشار الشعر

ههههههههههههههههههههههه
كلام معبر جدا على حال الدنيا
وايضا يحتوى على نمط من الكتابه المتناسق
شكرا اخى على ما كتبته لنا

شكرا
اختى روان
على تعليقاتك المتميزه
دمتى للمنتدى بكل الحب والتقدير
اخوكى
مستشار الشعر