يلا نحط رسنا بالطين

بداية اعتذر عن ما فى تلك الخاطره من كلمات لاتليق باسماعكم ولكن انها احب ما كتبت الى نفسى ارجو ان تنال اعجابكم وبانتظار ردكم وهى تكمله لقصيده يلا نتاكل هم هم هم هم شكرا

يلا .. نحط رسنا بالطين

هاعد لغاية اتنين

كل واحد يحط راسه بالطين

واحد .. اتنين

أيوا كدا ياحلوين

طول عمركم بتسمعوا الكلام مؤدبين

أنتم هنا متهمين

اوع اسمع حد بيتكلم بالسياسه تانى ياشطرين

انتم عارفين ايه الى بيحل للمساجين

بالذات الى عاملين فيها سياسيين

بنقطعكم تقطيع ياحلوين

احفظو الدرس أنتم شعب مسيرين

تعيشو وتموتو وانتم من كل شئ محرومين

شعب غلبان ومسكين

عايش بغلب وهم حزين

نص الشعب بالتوهان محششين

والنص التانى مدمن كوكاين

وفى غير كدا موش فلحين

يصحى الصبح يقول انا اخوان مسلمين

يجى عليه العصر يهتف للشعويين

ولو عاش لليل عقله يبقى تربنتين

حرمتم تقولو عروبه وفلسطين

وتهتفوا بأسم صلاح الدين

وتقولو عايزين ترجع طين

واحنا احنا .. المصريين

اتنيلم بستين نيله يامتنيلين

أنتم بالهم والغم عايشين

هو أنتم موش حاسين

لا أنتم عارفين جيين منين

ولا حتى رايحين على فين

اوعم تفكروا بتلاته وسبعين

دى مسرحية بطولتها معلمين

وقلتم عليهم رجال سياسة ودين

موش قلتلكم انتم شعب على نياته موش فاهمين

دول لبسوكم العمه وانتم قاعدين

والجدع فيكم يمسكهم متلبسين

محدش يتكلم عن رغيف العيش ياحلوين

أطفحوه وأنتم ساكتين

ماسمعش واحد يقول ضرائب وعليه دين

اصل ها يتمد على الرجلين

ولو واحد قال البطاله يامسؤلين

ها يتسلخ جلده أنتم عارفين

موش محتاجين نقولكم احنا قد ايه مفتريين

أنتم عرفين طرق تعذبنا من سنين

أظن فهمين وسمعين

أنتم هنا مذنبين

أجمل شئ فيكم أنكم شعب متين

لا تهزه زلازل ولا براكيين

أخرس أعمى أطرش ولسه عايشين

يعنى عاملين فيها مغفلين

أيوه كدا شاطرين

خلو رؤسكم دايما بالطين


نفسى نموت وأحنا واقفين
نفسى نموت وأحنا واقفين
نفسى نموت وأحنا واقفين







شكرا كتابة وتاليف
اخوكم
مستشار الشعر

[right]

سلمت يداك على الشعر الرائع

ولو واحد قال البطاله يامسؤلين

ها يتسلخ جلده أنتم عارفين

هههههههه كلام راائع و صحيح و حلوو ,, بتوقع شوف كتابان حلووة و مميزة كثير منك

مشكوور على جهودك الرائعة مستشار