السلام عليكم ورحمة الله وبركاته انا بجد حاسه ان دماغي هاتفرقع اول امبارح سمعت الشيخ خالد الجندي بيتكلم عن عادل امام واجور الفنانيين علي قناة ازهري الحلقه مش كانت مخصصه للحكايه دي طبعا لكن بيسالو عادل اماما اجرك كام في الفيلم قال 8مليون جنيه انا لما سمعت الرقم سالت بابا قلتله انت بقالك 25سنه بتشتغل تفتكر كل الفلوس اللي خدتها في شغلك اد ايه؟توصل ل8مليون قاللي طبعا لا مع العلم ان الفيلم اللي عادل امام عمله فاااااااااااااشل ومش جاب فلوس رجعو سالوه ايه رايك في الدعاه اليومين دول قالهم مش هما بياخدو فلوس؟قالولوا اه قالهم خلاص مايبقوش دعاه ياسلام يااخويا ياسلام تفتكر واحد زي الشيخ محمد حسان بياخد في البرنامج 8مليون جنيه زي حضرتك طب تفتكر لو كان موظف في الدوله كان هيبقي الشيخ محمد حسان الداعيه الاسلامي انا مش قصدي اغتاب عادل امام او غيره لكن ليه الفنان مش بيرضي باقل من مليون جنيه اجره ويركبو عربيات ويعيشوا ف قصور والموظف الغلبان يعيش في بيت ايل للسقوط وتطلع عينه في الاتوبيس اللي الناس بتيقي عامله زي السردين فيه ليه الممثل الفلاني يقبض اكتر من مليون جنيه في السنه والموظف اللي بيخدم الناس وبلده وبيتقن عمله وبيشتغل شغله مش حرام تطلع عينه في البلد دي انا عارفه ان لما اعيش فقيره في الدنيا احسن مااعيش فقيره في الاخره لكن تفتكروا نقدر نعيش بالطريقه دي تفتكروا لحد امتي الفنانيين هيطلعو علي اكتافنا عشان يعلو ويعلو ويبقي هما فوق فوق واحنا تحت تحت طيب انا هسال سؤال هو الفنان بيعمل ايه عشان ياخد 8مليون جنيه وليه فولس البلد بتضيع علي حوالي 10%من الفنانيين والرقاصات تفتكروا ممكن ييجي اليوم اللي الدكتور يتساوي بواحد مش معاه اي مؤهلات او واحد هربان من الجيش ومزور شهادته
الدكتور اللي فضل يذاكر لحد ماعينه طلعت ولما دخل كلية طب فضل 7سنين مش بيعمل حاجه غير انو يذاكر ولما يتخرج هايقبض كام بالكتير اوي 140جنيه والله اعلم كانت ظروف والده ازاي وهو بيديه الفلوس علي امل انو يعوض صبره خير ولما ييجي يجني ثمرة تعبه هو وابنها يلاقيه بيتساوي بواحد معاه اعداديه بل ويمكن اللي معاه اعداديه ده يكون بيقبض احسن من الدكتور البلد ضاعت واصبحنا نرقص مع الست دينا وفوفه ونضحك مع مستر دوله ونطبل مع سعد والبلد صبحت هيصه هيصه وديننا وضميرنا صبح في اجازه مفتوحه وعدنا من اصحاب باحبه ياماما وكل يوم تلاقي الولد او البنت جيبين سي دي لتموره الاموره والبنت تشحن موبايلها عشان تبعت رساله عالشريط بتاع القناه وتقول حبيبي تموره نفسي احضنك وتقوليلها ليه تقوللك بحبه اوي وكله بتنطط علي اكتافنا واحنا السبب لذلك اي شاب او فتاه بياخد من مرتي والده عشان يشتري مش عارفه ايه فانا باقول لوالده قليل عليك اللي انت فيه ومانستغربش اذا لقينا سعد بيه اللي غني للحمار بياخد مش اقل من مليون جنيه وتموره الاموره وعمرو كلاب وكل دول بهوات وسيادتك مش لاقي شغلانه ونرجع نقول الحكومه وزي ما بييجي في الاعلان احسبها صح تعيشها صح م الاخر انا عاوزه اقول ليه الفنان بياخد 8مليون جنيه حد يرد ياعالم هو بيعمل ايه لكل ده ؟انا خايفه لا العيال يطلعو فنانيين وعلي راي اللي قال لما كله يعمل فتوه مين اللي هايضرب انتو راضيين عن الحكايه دي ولما بيقابللك اي خلل في ميزانية البيت بتعماوا ايه؟
اول امبارح سمعت الشيخ 
تفتكر واحد زي الشيخ محمد حسان بياخد في البرنامج 8مليون جنيه زي حضرتك طب 
انا خايفه لا العيال يطلعو فنانيين 