أزاى تخلى أبنك سندك فى الحياه بسم الله الرحمن الرحيم
كلنا بلاشك عايزين ولادنا سواء بنات أو صبيان يكونوا أحسن ناس
ويكونوا خير سند لينا وخصوصا فى وقت شيخوختنا وفى وقت الشده.الحكايه سهله أوى بس هى
نفس فكرة السهل الممتنع. أولا أوعى تصدقى ان فيه حاجه سهله وبرضوا مافيش حاجه صعبه
كل حاجه فى الدنيا محتاجه مجهود وخصوصا لما يكون الهدف كبير يبقى لازم يكون المجهود
كبير. والمثل بيقول (من زرع حصد). ينفع أزرع بطاطس أحصد تفاح ؟ طبعا لأ. وأنا عندى
مصطلح خاص بيا أنا (الأولاد زى الحصاله كل ماتحطى فيها تلاقى) . وده عمره مايجى
بالدلع ولا بالعشوائيه. كل حاجه فى الدنيا لازم يكون لها نظره مستقبليه . يعنى كل
تصرف أنا باأعمله مع أبنى أو العكس كل تصرف لأبنى لازم أبص لأبعاد هذا التصرف أو
هذا القول.خلينا نتفق على حاجه من أول لحظه البيبى صفحه بيضاء نقيه صافيه شوفى
وأنتى وشطارتك ودايما باقول أنا الأول وبعدين ابنى أو بنتى ...يعنى ايه؟؟؟؟؟؟؟؟؟
يعنى أنا اللى بأتصرف وبعد كده تصرف طفلى بيكون رد فعل . يعنى أنا اللى باأبنى وده
باأقوله علشان فيه أمهات كتير بتلقى باللوم دائما على أولادها . طيب ماهو الكيان ده
انتى اللى شكلتيه من البدايه.هذا هو حوار مفتوح ومن خلاله سنتبادل الآراء والخبرات
ازاى أجعل من طفل اليوم أب للمستقبل لأمه قبل مايكون أب لأولاده
.
