خنقتنى من كتر ما بتقول(ميرسى) اصل شكرا ما تنفعش

• السلام عليكم ورحمه الله.ازيكم يا قمرات .الموضوع وما
  فيه انى متغاظه شويه هتقولولى وايه الغريب .فى حاجات كتير تغيظ لأ.بس ده حاجه شكلها
  هايفه لكن بتغيظنى .ندخل فى الموضوع ..طبعا كلنا بنشوف ناس كتير وكل واحد وله اسلوب
  وطريقه. لكن فى نوع معين بيغظنى شويه اللى هما بيستخدموا كلمات انجليزى كتير جدا فى
  كلامهم من غير اى لزمه ويا سلام لو اللى قدامهم مش فاهم.يسوقوا فيها بقى ال ايه مش
  عارفين العربى بتاعتها.والغريب انهم مش دكاتره مثلا او تعليمهم اجنبى ولا ارادى
  بيستخدموا الانجليزى كتير يا ريت مكنتش استغربت من حاجه لأ دول ناس عاديه جدا ممكن
  اخر حاجه خدوها بالانجليزى(هاو ار يو)/لأمش كده وبس دول ساعات كمان بيستخدموها مش
  فى مكانه يعنى واحده صحبتى من كتر ما بتقول (اوفر) بقت الشوربه حادقه اوفر_والجبنه
  لذيذه اوفر_ وفلان طيب اوفر.انا مش ضد ان الانسان يكون عنده لغه منا ساعات بستخدم كلمه (سورى)مثلا لكن مش بالشكل (الاوفر )ده هههههه
  .ماله العربى بتاعنا يعنى فى كلامنا خصوصا مع الناس البسيطه . ولا لو البنت ما
  قالتش مامى تبقى وحشه.. وانا لو مقلتش(شور)مش هعرف يا حرام اقول طبعا. عرفتوا بقى
  ايه اللى بيغظنى واكيد فى منكم بيشوف الشكل ده كتير صح ولا
  غلط؟

موضوع مهم ياروان بس كل واحد وله طريقتة وذى مابيقولوا كل واحد بيتعلق من عرقوبة مادام كلامهم مابيضركيش خلاص وبعدين( اوفر) مش وحشة اوى يعنى هههههههههههههه شكرا حبيبتى على موضوعك

هههههههههههههههههههه
اشكرك يانور على مرورك