زمان كنا مبنلاحقش على الزوار دلوقتى محدش بيخبط على الباب

زمان كنا مبنلاحقش على الزوار و كنا
مبنقفلش الباب انما دلوقتي مبيخبطش علينا غير البواب

مسااااااااااء الخير عليكم و كل سنه و انتوا طيبين

طبعا داخل علينا
العيد و ذكرياتنا فيه زمان لما كانوا الاهل و الاصحاب
ماليين علينا حياتنا و معانا في احلى اوقاتنا

مش عارفه ليه يا بنات مبقاش يجيلنا ضيوف !!مش ملاحظين

بقينا نشتري عفش و نكلف صالونات و ستاير و سفر
معرفش عامله ازاي
بس للاسف من غير زوار او بالكتير اوي
مرتين تلاته في السنه
لما حد ييجي

و ااااااااااه لو حد جه فجاه يبقى حد مبيفهمش في الاتيكيت
ولا الذوق و الاستايل
مش كان
المفروض يتصل ياخد ميعاد؟؟

يااااااااااه دا زمان كنا ليل نهار نلاقي الباب يخبط و يا فرحتنا لما
نلاقي ضيف
ناخده بالاحضان و نقدم
اللي موجود حتى لو ساندويتش جبنه
او حتى كوبايه شاي

ولا زمان كنا قمه البساطه في الاستقبال يعني البيت بيكون على وضعه
الطبيعي
لا بنجري نغير ولا نوضب
ولا نتكلف
مكناش بنحاول نظهر
باحسن و اشيك مظهر
لا العادي

طالما بيتك نظيف و مترتب يبقى يا
اهلا و مييييييت مرحبا

دلوقتي
للاسف بقينا نستعد للزياره قبلها باسبوع
ترتيب و تجديد و تغيير و قلب النظام عشان الناس يعرفوا اننا شيك

و يعرفوا اننا قمه في الذوق

رغم ان دا اوقات كتيييييير بيبقى
فوق طاقتنا

و نفضل طوول الزياره نغمز لازواجنا
او اولادنا و نبرق و نتوتر
عشان ميبانش اي عيوب ولا يحصل
اي تلميح من الضيف

و طبعا نحضر حلويات اشكاااااااال و
الوان اشي بيتزات
و جاتوه سواريه و كمان فرووت سالاد و
ميمنعش شويه كانابيهات
و يا سلااام لو عملت تيراميسو مع كل
ده هيقولوا اني ستايل
و هحرق دم المدام الللي جايه

اما بقى الضيف فنلاقيه لاااااااابس اللي على الحبل و
مراته عماله تحفظ فيه
اللي يتقال و اللي ميتقالش و نلاقيها
يا عيني
مستلفه الاكسسوارات عشان تحرق دم صاحبه البيت

و تحسسها انها بقى ستايل اكتر منها

ولا الهديه اللي هتدخل بيها لازم تعقدهااااااااااااااااا
يبقى ناخد فلوس الشهر اللي بنشتري بيها الاكل و الشرب
و نروح نجيب اغلى تورتايه و كمان بوكيه ورد مجفف
من
اللي بمتين تلتميت جنيه
و كمان لعبه لابن المدام اللي
رايحالها

اييييييييييييييييييه ده يا
جماعه
اييييييييييييييه كم التكلف
ده

فيييييييييييين البساطه و
التلقائيه ؟؟

فين امثالنا
الحلوه بتاعه زمان

الجوده
بالموجود
ولا بصله المحب خروف

بجد حقيقي رغم ان الوعي الثقافي و الديني زاد
جدااااااااا
الا اننا في فجوه عميقه

المسافات زادت اوي بينا و بين احبائنا مهما كانت درجه قربهم
لينا

بقينا مظهريين اوي و مش
مهم اننا نطلع في صوره غير حقيقتنا
بس المهم نعقد اللي قدمنا و نحسسه بمقامنا

عشان كدا الناس بقت تخاف من بعض و تبعد عن بعض
لان
كل واحد خايف احسن اللي قدامه يكتشف انه مش احسن و مش اغنى
منه

ياريت بجد بدل ما طووووول
الوقت نفضل نقول احنا بقينا
متدينين اكتر و بقي عندنا وعي بديننا احسن و افضل

نحاول نقرب من بعض نحاول نحب بعض
بصدق
نحاول نتكاتف و نبقى روح واحده

الجيران يرجعوا لبعض و
الاخوات يرجعوا حاجه واحده
وولاد
العم يجروا على بعض
و الصحاب
يرجعوا رمز الامان لبعض

هااااااااااااااا يا ترى عندكم نفس الخواطر
ولا انا بس
؟؟

ناقشوني و تعالوا نفضفض مع بعض

و ازاي نرجع تاني
لروح البساطه

» المازون يدخل من الباب الحب يهرب من الشباك