دخيلك لاتوادعني انـا مقـدر علـى فرقـاك
دخيلـك ياهـوى بالـي دخيلـك لاتوادعنـي
انا مقدر اعيش الواقع الا في صدى ذكـراك
دخيلـك لاتوادعنـي ابيـك اليـوم توعدنـي
تبيني انسـى ايامـك حشـى والله ماانسـاك
فمـان الله دخيلـك لاتكررهـا وتفجعـنـي
انا شلون ابي انساك وانسى همسك وطريـاك
دخيلك كيف ابي انسى يمينك يـوم صافحنـي
دخيلك كيف ابنسى لطفك ورسمك ولون شفاك
دخيل العين ورمش العين دخيلـك لاتفارقنـي
انا داخل على الله ثم انا داخل على شـرواك
دخيلـك يابعـد عمـري دخيلـك لاتعاندنـي
دخيلك كيف تبي ترحل وتنسى صاحبن يهواك
تعال اجرح تعال اطعن تعال اليـوم عاتبنـي
ترى بعدك تحاوطني دروبـن كلهـا اشـواك
دخيلـك لاتوادعنـي وتنسانـي وتهجـرنـي
